05.07.2017

Upplýsingar - skráning á Unglingalandsmót UMFÍ

Unglingalandsmót UMFÍ fer fram á Egilsstöðum um verslunarmannahelgina. Hægt er að taka þátt í 23 mismunandi greinum auk þess sem hægt verður að prófa fjöldan allan af íþróttagreinum og annarri afþreyingu. Lítið mál að skrá sig Þú getur valið á milli þess að greiða með kreditkorti eða greiðsluseðli. Ef greitt er með greiðsluseðli bætist 390 króna umsýslugjald við reikninginn. Keppandi á mótinu í greiðir eitt gjald og getur síðan keppt í eins mörgum greinum og hann vill. En hafðu í huga að til þess að ganga frá skráningu þarftu rafræn skilríki eða Íslykil. Ef keppt er í fleiri en einni grein þá þarftu að vita það sem stendur hér að neðan. Þátttakandi byrjar á því að skrá sig í eina grein og gengur frá greiðslu. Svo hefst sama ferli aftur. Við skráningu í næstu grein kemur aftur upp greiðslufærsla. Keppandi fær sjálfkrafa 100% afslátt af verðinu en staðfesta þarf skráninguna. Skráning er með sama hætti í fleiri greinar. Athugaðu að ef þú hefur skráð þig og greitt fyrir eina grein þá færðu sjálfvirkt 100% afslátt í allar aðrar greinar þegar þær eru skráðar. Sjáumst í stuði á Egilsstöðum um verslunarmannahelgina!

31.05.2017

Landsmót UMFÍ 50+ fer fram 23. - 25. júní 2017 í Hveragerði.

Mótið er blanda af íþróttakeppni og annarri keppni, hreyfingu og því að fá fólk á besta aldri til að hafa gaman saman. Mótið er öllum opið sem verða 50 ára á árinu og eldri. Mótið hefst föstudaginn 23. júní og lýkur eftir hádegi, sunnudaginn 25. júní. Landsmót UMFÍ 50+ var fyrst haldið árið 2011 og því verðu þetta í 7. sinn sem þetta skemmtilega mót er haldið. UMFÍ hefur úthlutað mótinu til HSK sem er mótshaldari að þessu sinni. Hveragerðisbær er bakhjarl mótsins og kemur að undirbúningi og framkvæmd mótsins á margan hátt.

05.05.2017

Nýtt kerfi fyrir mótahald UMFÍ

Ungmennafélag Íslands (UMFÍ) og Greiðslumiðlun hafa gert samning til fimm ára um afnotarétt af skráningarkerfi fyrir landsmót UMFÍ og leyfi aðildarfélaga UMFÍ til að nota skráningarkerfið Nóra. Samningurinn gerir UMFÍ kleift að skrá allt móta- og viðburðahald í framtíðinni auk þess sem sambandsaðilar UMFÍ geta fengið aðgang að kerfinu fyrir rekstur sinn. Samkvæmt samningnum mun Greiðslumiðlun, móðurfélag Nóra, hanna og skrifa skráningarkerfi fyrir landsmót UMFÍ og önnur mót og viðburði UMFÍ sem byggja á tengdum kerfum. Stefnt er á að nota kerfið í fyrsta sinn á Landsmóti UMFÍ 50+ í Hveragerði í júní. Margir foreldrar þekkja greiðslukerfi Nóra en mörg ungmenna- og íþróttafélög nota það ásamt skólum, sveitarfélögum og félagasamtökum. Kerfið auðveldar utanumhald á uppsetningu móta og viðburða, skráningu þátttakenda á mót og aðra viðburði, greiðslum, uppgjörum og býður upp á marga aðra möguleika. Stjórnendur félaga þekkja kerfið líka. Það hefur verið notað hjá Ungmennafélaginu Fjölni, sem er með beina aðild að UMFÍ, síðan árið 2011. Nú nota yfir 130 íþróttafélög kerfið en heildarfjöldinn er yfir 350. Það sem af er þessu ári eru notendur kerfisins yfir 60.000 talsins. „Greiðslu- og skráningarkerfið er til hagsbóta fyrir hreyfinguna og styrkir starfið enn frekar með bættri þjónustu við sambandsaðila UMFÍ,“ segir Haukur Valtýsson, formaður UMFÍ. Hann og Örn Guðnason, varaformaður UMFÍ, undirrituðu samning um notkun á kerfi Nóra ásamt forsvarsmönnum Greiðslumiðlunar, móðurfélagi Nóra. <li> Guðmundur Árnason, verkefnastjóri Nóra, segir samstarfið geta styrkt starf ungmennafélaga og ungmennastarfið í landinu, með betri yfirsýn og meiri aga í fjármálum og skráningum Á myndinni sem með fylgir má sjá Hauk Valtýsson, formann UMFÍ, og Báru Ragnhildardóttur, ráðgjafa hjá Greiðslumiðlun, móðurfélagi Nóra.

27.04.2017

Landsmót UMFÍ 50+ fer fram 23. - 25. júní 2017 í Hveragerði.

Mótið er blanda af íþróttakeppni og annarri keppni, hreyfingu og því að fá fólk á besta aldri til að hafa gaman saman. Mótið er öllum opið sem verða 50 ára á árinu og eldri. Mótið hefst föstudaginn 23. júní og lýkur eftir hádegi, sunnudaginn 25. júní. Landsmót UMFÍ 50+ var fyrst haldið árið 2011 og því verðu þetta í 7. sinn sem þetta skemmtilega mót er haldið. UMFÍ hefur úthlutað mótinu til HSK sem er mótshaldari að þessu sinni. Hveragerðisbær er bakhjarl mótsins og kemur að undirbúningi og framkvæmd mótsins á margan hátt.